MÖVLUDİ - NƏBİ

Bəşəriyyətin Hz. Məhəmmədlə (s.a.s.) şərəfləndiyi müqəddəs məkan.

Hz. Peyğəmbərimizin (s.a.s.) doğulduğu ev Məkkə şəhərində, Məscidül-Həramın şimalında, təxminən 300 metr məsafədə yerləşən və bu gün Məkkə Kitabxanası kimi istifadə edilən binanın olduğu yerdir. Bu məkan “Mövlid-i Nəbî” – yəni “Peyğəmbərin doğulduğu yer” adlanır.

Tarixi məlumatlara görə bu ev əvvəlcə Peyğəmbərimizin (s.a.s.) ulu babası Hâşimə məxsus idi. Daha sonra miras yolu ilə Əbdülmüttəlibə, ondan da oğlu Abdullah’a keçmiş və nəticədə Hz. Muhəmmədə (s.a.s.) çatmışdır. Sonralar ev Hz. Əlinin (r.a.) qardaşı Aqil ibn Əbu Talibə verilmişdir.

Zamanla bu məkan bir neçə dəfə dəyişmiş və müxtəlif şəxslərin mülkiyyətinə keçmişdir. Abbasi xəlifəsi Harun Rəşidin dövründə bu məkan satın alınaraq məscidə çevrilmiş, daha sonra dəfələrlə təmir edilmişdir. Osmanlı dövründə, xüsusilə Qanuni Sultan Süleyman zamanında yenidən inşa edilərək indiki formasına yaxın bir hal almışdır. XX əsrdə isə bina kitabxanaya çevrilmiş və Məkkə Vəqflər İdarəsinə təhvil verilmişdir.

Bu ev İslam tarixində yalnız doğum yeri kimi deyil, həm də müsəlmanların Məkkə dövründə yaşadığı çətinliklərin şahidi olan bir məkandır. Xüsusilə Şi’b-i Əbi Talib dövründə müsəlmanlar uzun müddət iqtisadi və sosial boykota məruz qalmış, böyük çətinliklər yaşamışdılar. Bu hadisələr İslamın yayılmasının qarşısını almaq üçün müşriklər tərəfindən tətbiq edilən ən ağır təzyiqlərdən biri idi.

Peyğəmbərimiz (s.a.s.) miladi 571-ci il, Rəbiul-əvvəl ayının 12-də bu mübarək evdə dünyaya gəlmişdir. O, altı yaşında anasını, səkkiz yaşında isə babası Əbdülmüttəlibi itirmiş, daha sonra əmisi Əbu Talibin himayəsində böyümüşdür. Gənclik illərində Hz. Xədicə (r.a.) ilə evləndikdən sonra onun evinə köçmüşdür.

Bu gün bu məkan Məkkədə mühüm bir ziyarət nöqtəsi sayılır. Buranı ziyarət edənlər Peyğəmbərimizin (s.a.s.) həyatını, İslamın ilk dövrlərindəki çətinlikləri və göstərilən böyük səbir və fədakarlıqları xatırlayırlar.